ABROAD LAGI

By: Joel Mutia

Nakabalo baka kung kinsa ang bag-ong gitawag nga mga Bayani sa bag-ong panahon?
Gibana-bana nga minilyon na ang tala sa pagpanglangyaw sa laing nasud ang gitawag ug OFW (overseas Filipino worker) kanhing gitawag nga Overseas Contract Worker ang bag-ong bayani sa karun. Bisag asang nasura duna gayod kay makit-an nga pinoy, daw sa bagang doot sa isda sa kadagatan. Nagtrabaho sa matag usa nga abilidad.

Tungod sa pagtuo nga sa pagpalangyaw sa gawas nasud makalingkawas ang pamilya sa kalisod sa kinabuhi. Sa lugar sa Hapon, mga Katabang (housemaid) ang naguna, sa Europa mga Nurses or Caregiver, sa Middle East mga Skilled worker, Engineers, Architects tungod sa pagpadayon nga booming construction sa maong lugar. Sa karun padayon gihapon ang pagsaka sa ihap sa mga gitawag ug OFW.

Sa laing bahin, gisakyan sa mga Tulisan ang maong kalihukan. Migara ang mga illegal recruiter, mga mangingilad. Paghatag ug tabang nga pagsaad nga dunay trabaho ug dakong sweldo ang kahulat . Ug bag –uhay lang gibalita nga dunay 700 ka mga nangailad sa isa ka babaye, trabaho padulong sa Europa ug padayon pa ang pagsikop sa maong gituong suspek. Subo palangdungon nga ang uban gibayaan ang mga desinteng trabaho, pagmaligya sa kabtangan, pagpangutang sa taas nga interes arun lamang makagawas bayad sa gitawag nga placement fee. Hinaot nga kini maaksyonan na sa atong pangkagamhanan ug makitil na kining mga di maayong kalihukan.

ABROAD? Ah pagkalami paminawon. Humot kaayo sa kabaryohan kung kadungog kag pulong abroad. Naandan na kung abroad ka. Ayahay gayud ka. Mao kana ang kalagmitan hukom sa atong mga igsoon. Apan wa sila kabalo nga dili diay intawon lalim ang bunyagan ka ug Abroad. Diha dala nimo ang kasakit sa pag biya sa imong minahal sa kinbuhi. Tungod kay kontrata sa 2 hantod 4 ka tuig man ang kasagaraan mahitabo. Gadaghanan nagkanayun nga ang pag langyaw sama sa usa ka sugal mahimong ikaw ang mananaog og usab ikaw pweding mapildi. Ang uban swerte-swerte lang daw. Apan duna sab uban pakyas.

Naandan na sa matag Pinoy Abroad ang Pamilya Una perminti sa linya. Pagahin sa nadawat nga sweldo ug pagpadala nga gitawag nila ug binulan nga remittance. Lahi pud nang gitawag nga Balikbayan box. Kalgmitan madawat sa pamilya sa pinas panahon sa pasko. Wa sila kabalo nga gibilaran intwon ug huna-huna kung usa ang saktong regalo para ni tatay, nanay ug mga igsoon. Bahalag made in China basta gikan abroad manindot na kini kanila.

Swerte na kaayo ka kung ikaw nakapundar sa pinas, nakatunkod kag kaugalingong balay, dunay gamay negosyo. Ayahay na gayod ka ana. Apan subo palandungon nga duna sab atong mga kaigsoonan nga nangpildi sa sugal. Pakyas sa trabaho, gimaltrato sa amo ug gani ang uban gidagmalan ug gigamit. Unang biktima niini ang mga House maid (Domestic Helper). Pasalamat gihapon ta ka yang uban luwas sa disgrasya ug diha misilong sa atong mga Embahada sa matag nasud. Sa Dubai, kagdahan sa mg Pinoy toa midangop sa Kish Island. Lugar nga gawasanan kung panahon expire na ilang gikotan nga visa. Ug naghulat kung kinsa ang muhatag ug bagong trabaho ug visa. Apan sa lugar palang resgo na kaayo ang siguridad. Naa ang pag antos sa daw tumang kainit ug katugnaw. Pakig uban sa laing lahi nga sa usahay dili maagwanta ang baho. Pag kaon sa mga mantikaong pagkaon ug uban pa arun lang maklingkwas.

Apan bilib gihapon ang mga employer nato. Sa atong abilidad nga sweto sa tanan. Makahibalong modiskarte sa matag sitwasyon o matag problema ilabina sa natad sa pagpanarbaho. Tungod niini mas taas ug porcento ang napapauli sa mga laing lahi itandi sa mga pinoy worker tungod sa global recession .

Isip pag tapos, ABROAD ba gyud ang mga giila nga bagong bayani? Ikaw ra ang mabalo niini sa tubag. Ang Goberno nato hinaot ug ilang hatagan ug dugang pagbantay siguridad ang matag OFW. Dili lang tungod sa remittances ilabina ang paghatag ug maayong imahe sa ubang nasud kung unsa ang abilidad nato nga dili matupngan sa ubang nasud. Kayod OFW. Bayani ka sa dughan sa imong pamilya.