my 25th bday in bahrain

salamat sa tanang miduyog sa akung adlawng natawhan.

Rayna sa Kadalanan

Kung ang Jeepney gitawag ug Hari sa Karsada. Ang Rayna mao ang mga trisikol. Imong silang makit an sa daplin sa kadalanan sa syudad man o lungsod. Ug andam muhatod kanimo kung asa ka man moadto. Maila kini pinaagi sa nagkadaiyang mga arti-arti,pintal ug mga raya-raya naglangkob sa pangalan sa tag iya. Ang uban ngalan sa mga anak. Duna usab mga sulat pulong kinulto sa basahon sa Bibliya. Klase ang hitsura niini matag lugar, probinsya , syudad. Dunay kapasidad nga mukarga ug duha hangtod sa unom ka pasahero. Pipila lang kini sa mga pangkanibuhian sa matag pamilya. Gani dunay uban nakapahuman ug paeskwela tungod niining pagmasahero. Arangan ang pamilya kung makabaton ka ug trisikol.

Sauna ang trysikol wala pa mauso. Ang mga nag-una sa kadalanan mao lang ang mga trisikad. Matang sa mga biseklita nga dunay side car nga gituyo ug gama alang sa pasahero. Sa pagpadagan ginamit ang pagtunob sa pedal. Pipila lang ka tuig milabay ang kanhing mga trisikad agig pag ka imbentor ng mga pinoy gitaoran kini ug makina gamit sa pangdagat o pump boat. Diin nahimong sayon ang pagpadagan kay di makina naman. Padayon gihapon ang paglambo sa technolohiya meresulta kini sa pagkahimugso ning mga rayna sa dalan. Mao kini ang mga trisekol karun.

By: Joel Mutia

Ambak Barko

Kabalo naka nga miambak ko sa barko?
Ay kabalaka sauna ra to
Didto sa Bohol katong nag -skwela pako
Maygani wa ko mabunal sa siminto

Malas jud to nga adlaw
Kay sa akong paglakaw
Nakatunob ko ug taig kabaw
Paita basa ug tugnaw pa
Ako pa jud naginusara

Natingala ako amigo
Sa iyang pagtagbo
Nganong nabasa ko
wa lang siya nakabalo sa nahitabo

Dilikado kaayo
Akong gibuhat kay sa pag-ambak
Ang pating gahuwat
Apan salamat diay kay sa concreto
ko nakatugpa hapit lang ko madesgrasya.

Ang rason kay nakatulog man ko
Hinanok lami kaayo.
Sunod sakay bantay nako inig dung-go sa barko.

Kamingaw Sa Payag

Ang payag sa bukid giugbok
Kay sa mga kawantan kini mahadlok
Gipoy-an nalang ug ok-ok
Kay sa sige raman ug lok-lok

Kamingaw sa payag
Kay walay tawo nagpabuyag
Tagay ug bahalina, tuba
Sa tiyan ibunyag

Mga silingan
Asa na kamo
Dali ug daun kamo
Sa mamingaw kong payag
Ayaw kahadlok, katingala
kong ako nag inusara
kay inig kaon usa ray kutsara
Busa magkinamot lang ta.

Sakit Sa Tiyan

And tiyan kong nagakutoy
Nangita ug ilamoy
Wa jud kita pagkalooy
Ay naminghoy

Ngoy kaon ta ngoy
Murag Manok gidungoy
Taklobi ug bagol
Dokdoka arun ang dunggan mutaghoy

Sakit sa tiyan
Ang matagamtaman
Kung ang kaon imong pasagdan
Tan-awa si Manang
Gitaguan ang sud-an bantayi lang kay basin matok-an

Panghatag pud tawon
Sa batang sip-onon
Nangita ug mama
Aron sa iyaha magpakaon

Mga Kabataan Karun

Ang kabataan karun
Nausab na!
Tungod ba kini sa panahon ug teknolohiya?
Aw siguro..

Sauna ang bata malingaw na
Kung magdula ra sa karsada
Patentenro, tubig-tubig, taguanay
Ug uban pa
Tan-awa way gasto ug kwarta

Itandi karon nato
Ang bata toa na computer magpuyo
Dula diri dula didto
Kwarta sa gikinikangan ang gigasto

Sus tanawa ra ang bata
Nagsiga ang mata
Ang liog pirti ng taasa
Unsaon wa may gana
Dili na makapuyo sa Kusina

Dili magdugay ning bataa
Ang mata niini mabuta
Pagkalooy tawon kay
Gipsagdan lang man sa Mama

Ay siguro...

Gikan ko ug Bohol

Ang Isla sa Bohol
Didto ko nag iskwela
Kursong Fine arts
Akong gikuha

Wa mahibali ako nahuman na
Upat katuig ako gitagana
Pero dili lalim mga amigo amiga
Ang gikinikanan buslot ang bulsa

Isip pagtabang sa akong pag iskwela
Misulod kog trabaho isip kartonista
Sa Bohol Sunday Post nga kompanya

Ang Bohol nailhan
Sa tibook kalibutan
Tungod sa Chocolate Hills
Nga murag bulawan

Daghan kug barkada
Sa bohol sila nag-una
Dili jud nako makalimtan kining
mga tawhana


Daghan kug nailhan
Dili lang sa iskwelahan
Lakip na pud mga silingan
Kay sa pista magtapok man.